अनिल मिश्र-
नीक काम एक भवा है अबकी
यूपी बोर्ड परीक्षा मा ।
गुणवत्ता फिरि आई धीरे धीरे
बिगरी शिक्षा मा ।
लागि कैमरा कमरा कमरा ताका
झांकी बन्द हुई ।
नकल समुल्ली इमला बोली ब्लैक
बोर्ड तक बन्द हुई ।
नकल माफिया ठेकेदारी सारी
चोरी दफन किहिन ।
योगी बाबा पढ़ै लिखे वालेन
कै चेहरा मगन किहिन ।
दालि नही गलि पाय रही है नकली
चोर दलालन कै ।
उत्तर कसक बतावैं घुसिकै कॉपी
लिखै सवालन कै ।
कतन्यौ नकल सहारे वाले इम्तिहान
तक छोड़ि दिहिन ।
अनुपस्थित भे देखि परीक्षा जू डेरान
सब छोड़ि दिहिन ।
मेहनत वाले सुघर मास्टर गल्ल बहुत
हैं बाबा से ।
नकल करावै वाले जतने हल्ल बहुत
हैं बाबा से ।
जे जू लगाय कै पढ़े होई पक्का
पास वहै होई ।
टीपै वाला छात्र–छात्रा चेहरा
उदास वहै होई ।
देख्यौ उह पन्चान्बे प्रतिशत कै
रिजल्ट अब आई ना ।
मेरिट लिस्ट मा मेधाविन कै अतनी
होण देखाई ना ।
कहैं “सिंहनादी”कविता मा काम नीक
है योगी जी ।
शिक्षा केरि व्यवस्था बिगरी बहुत ठीक
है योगी जी ।
नकल विहीन परीक्षा वाला काम नेक
है अच्छा है ।
मैदान वहै अब मारी जे खूब पढ़ै लिखै
मा सच्चा है ।
वास्तविक जे तेज पढ़ै मा उइ सब
पार निकरि जइहैं ।
नकल सहारे वाले जतने बण्टाधारी
होइ जइहैं ।
सुघर कैमरा कै कमाल है सीसी टीवी
जलुवा है ।
